Մեր մայր կազմակերպությունը՝ «Հայ օգնության ֆոնդը» (ՀՕՖ), աջակցում է Հայաստանի ամենախոցելի բնակչությանը կյանքի որակի բարելավմանը միտված մի շարք ծրագրերի միջոցով: Այդպիսի նախաձեռնություններ են Վանաձորի տարեցների տունը՝ ընտանիք չունեցող տարեցների համար, Երեխաների աջակցության կենտրոնը՝ բռնության ենթարկված երեխաների համար, և հինգ բարեգործական ճաշարանները, որտեղ ամեն օր տաք կերակուր են ստանում կյանքի դժվարին իրավիճակում հայտնված մարդիկ:

Այս կենտրոններում ամեն օր բոլոր շահառուներին մատուցվում է սնունդ, սակայն սպասքն արդեն մաշված է ու շատ հին:

Դուք կարող եք օգնել մեզ յուրաքանչյուր կերակուրի հետ մատուցել արժանապատվություն: Միացեք մեզ ուրախություն պարգևելու գործում՝ յուրաքանչյուր կենտրոնի համար տրամադրելով սպասքի նոր հավաքածու։