$30,100
բյուջե
100
շահառու
Երևան
մարզ
մնացած օր
Նպատակը
Բարելավել հաշմանդամություն ունեցող երեխաների համար բարձրորակ թերապևտիկ ծառայությունների հասանելիությունը՝ Երևանում գործող Ուսուցման դժվարություններ ունեցող երեխաների կենտրոնում վերանորոգելով հիմնական թերապևտիկ տարածքները։
Նկարագրություն
Հայ Օգնության Ֆոնդը (FAR) Ուսուցման դժվարություններ ունեցող երեխաների կենտրոնի երկարամյա գործընկերն է։ Այն պետական կառույց է , որը աջակցում է 3–18 տարեկան երեխաներին, որոնք ունեն հատուկ կրթական պայմանների կարիք։ Կենտրոնը միաժամանակ հանդես է գալիս որպես բարդ դեպքերի անմիջական ծառայություններ մատուցող և որպես մեթոդաբանական կենտրոն՝ համակարգելով Հայաստանի 24 մարզային մասնաճյուղերի աշխատանքը։
Ամեն տարի շուրջ 100 երեխա ՀՄԿ—ում անցնում է համապարփակ, բազմամասնագիտական գնահատում, որին հաջորդում են անհատական միջամտության ծրագրեր՝ ներառելով խոսքային, հոգեբանական և սենսորային թերապիաներ։ Կենտրոնը նաև մշակել է նորարարական և ներառական մոտեցումներ՝ արվեստի, կավագործության, թատրոնի և երաժշտության միջոցով իրականացվող թերապիաներ, որոնք նպաստում են հաղորդակցման հմտությունների զարգացմանը, հուզական ինքնարտահայտմանը և ինքնավստահության բարձրացմանը՝ ներգրավելով նաև ընտանիքի անդամներին և հասակակիցներին։
Այնուամենայնիվ, մի շարք թերապևտիկ սենյակներ գտնվում են վատ վիճակում և հարմար չեն արդյունավետ թերապևտիկ աշխատանքի համար։ Երաժշտական թերապիան ներկայումս հնարավոր չէ սկսել՝ համապատասխան տարածքի բացակայության պատճառով, թեև կենտրոնն ունի թե՛ մասնագետ, թե՛ անհրաժեշտ գործիքներ։ Ծրագրի շրջանակում նախատեսվում է վերանորոգել չորս թերապևտիկ սենյակ՝ արվեստի, կավագործության, երաժշտության և օժանդակ տեխնոլոգիաների, որպեսզի ստեղծվի անվտանգ, գործնական և ջերմ միջավայր հաշմանդամություն ունեցող երեխաների համար։
Yeprem Kelegian
Աջակիցներ
1
Մեր գործընկերները
Ուսուցման դժվարություններ ունեցող երեխաների կենտրոն
2 փետրվարի, 2026 թ.
Ստեղծվել է՝
