Աշտարակի «Սուրբ Մարիանե» սոցիալ-կրթական կենտրոնը, որը գործում է Հայ առաքելական եկեղեցու Արագածոտնի թեմի հոգածության ներքո, քաղաքի առաջին և միակ կենտրոնն է իր տեսակով։ Այն աջակցում է Աշտարակի և հարակից համայնքների անապահով ընտանիքներին սոցիալական աջակցության, համայնքների զարգացման և շրջակա միջավայրի պահպանության ծրագրերի միջոցով:

Կենտրոնն աշխատում է ընտանիքների բոլոր անդամների հետ՝ կատարելով կարիքների գնահատում և տնային այցելությունների ժամանակ լուծումներ առաջարկելով: Այն ուշադրության կենտրոնում է պահում կանանց, երեխաների և երիտասարդների հմտությունների զարգացումը՝ օգնելով ավելի առողջ, ավելի արժանապատիվ կյանք ունենալ և հասարակության ակտիվ անդամ դառնալ: Ավելին, այն նպաստում է հոգևոր աճին, խրախուսում համերաշխությունը, համայնքի ներգրավվածությունը Հայ Առաքելական Եկեղեցուն:

Ծառայությունները մատուցվում են խմբային և անհատական հանդիպումների, տնային այցելությունների միջոցով՝ ուշադրության կենտրոնում պահելով կանանց, հատկապես միայնակ մայրերին և երիտասարդ աղջիկներին, մասնագիտական նոր հմտություններ ձեռք բերելու հնարավորություն ընձեռելով։

Սակայն ջեռուցման բացակայության պատճառով կենտրոնը չի կարողացել լիարժեք գործել ձմռան ամիսներին, ինչը նվազեցրել է ազդեցությունը։ Գիշերներն անջատվող էլեկտրական ջեռուցիչներից ներկա կախվածությունը կենտրոնը դարձնում է ցուրտ և անհարմարվետ՝ վտանգելով և՛ ծրագրերի առաջընթացը, և՛ շենքի անվտանգությունը: Ջեռուցման համակարգի տեղադրումը կապահովի հարմարավետ և անվտանգ միջավայր, որպեսզի կենտրոնը շարունակի իր կենսական աշխատանքը տարին բոլոր: