Երեխաներից շատերի համար ամառային ճամբարը ուսումնական տարվա ավարտը նշելու, արկածների և նոր ընկերներ ձեռք բերելու ժամանակ է՝ կախարդական ու հիշարժան փորձ:

Երեխաների համար, որնք մեծ դժվարությունների են բախվել, օրինակ՝ տեղահանումը կամ ծնողի կորուստը պատերազմի ժամանակ, ճամբարն ավելի մեծ նշանակություն ունի՝ թերապևտիկ ու բուժիչ։ Այն շեղում է միտքն ու ազատում հոգին:

Ամեն տարի Հայ օգնության ֆոնդը (ՀՕՖ) չամբարում գեղեցիկ երկու շաբաթ անցկացնելու հնարավորություն է տալիս 150-ից ավելի երեխաների իր՝ «Աջակցություն Հայաստանի երեխաներին» (CASP) ծրագրի շրջանակում հովանավորելով նրանց: Մասնակիցները տարբեր ու բարդ ծագում ունեցող խնդիրներով ընտանիքներից են: Շատերը՝ սոցիալապես ու տնտեսապես անապահով: Ոմանք 44-օրյա պատերազմում զոհված զինվորների, ոմանք՝ անցյալ տարի Արցախում իրենց տներից տեղահանված երեխաներ են։

Ճամբարի ընթացքում երեխաները ողջ կյանքի համար ընկերներ են գտնում։ Նրանք սովորում և զարգացնում են նոր հմտություններ, տեսարժան վայրեր այցելում և մասնակցում զվարճալի ու հետաքրքիր միջոցառումների մի ամբողջ շարքի: Սնվում են կանոնավոր ու բալանսավորված, և ֆիզիկապես ակտիվ ժամանակ անցկացնում: Այս տարի նրանք նույնիսկ ծանոթանալու են Լաքրոս սպորտաձևին՝ Հայաստանի Լաքրոսի ֆեդերացիայի աջակցության շնորհիվ:

Ֆինանսական սահմանափակ միջոցների պատճառով ՀՕՖ-ը չի կարող CASP-ի շահառու բոլոր երեխաներին ճամբարին մասնակցելու հնարավորություն ընձեռել: «Այո՛»-ն ուզում է բավարար գումար հավաքել շահառու ևս 60 երեխայի հովանավորելու համար: Ընդամենը 250 դոլար մեկ երեխայի՝ 16 օրյա ճամբարի համար։

Որքան շատ գումար հանգանակվի, այնքան ավելի շատ երեխաներ կարող են միանալ ճամբարին: Ոգևորվա՞ծ եք նրանց ողջ կյանքի համար լավ հիշողություն պարգևելու գաղափարով: Մենք՝ այո՛։ Հանու՜ն ուրախ ճամբարականների։