«Սևանի Երեխաների Վերականգնողական Կենտրոնը ծառայություններ է մատուցում հատուկ կարիքներ ունեցող երեխաներին Սևան քաղաքից, հարակից 11 գյուղերից, մոտակա համայնքներից և վերջին տարիներին նաև Հայաստանի տարբեր մարզերից։ Ամեն տարի կենտրոնում վերականգնողական թերապիա է ստանում շուրջ 270 հաշմանդամություն ունեցող երեխաներ, մինչդեռ ավելի քան 100 երեխա շարունակում է սպասել հերթում։

Կենտրոնի շահառուներից շուրջ 70-ը դեռահասներ են՝ ծանր հենաշարժողական խնդիրներով։ Նրանց սահմանափակ շարժունակության և հավելյալ ֆիզիկական աջակցության անհրաժեշտության պատճառով թերապևտների համար հաճախ չափազանց դժվար կամ անհնար է լինում երեխաներին ճիշտ դիրքավորել և տեղափոխել սովորական անշարժ մակերեսների վրա։ Արդյունքում՝ թերապիայի սեանսները դառնում են պակաս արդյունավետ, իսկ որոշ դեպքերում նույնիսկ անհնար է լինում ապահով իրականացնել դրանք։

Բազմաֆունկցիոնալ թերապևտիկ սեղանի ձեռքբերումը զգալիորեն կբարելավի վերականգնողական ծառայությունների որակն ու արդյունավետությունը։ Սեղանը մասնագետներին հնարավորություն կտա բուժման ընթացքում անվտանգ 

 վերադիրքավորել երեխաներին՝ դարձնելով բարդ թերապիաներն առավել հասանելի, նպատակային և արդյունավետ։ Նախագիծը անմիջականորեն կբարելավի ծանր շարժունակության խնդիրներ ունեցող երեխաների և նրանց ընտանիքների վերականգնողական գործընթացն ու կյանքի որակը»։