Համեղ ուտեստ

«Փրկություն» հաշմանդամ երեխաների ու երիտասարդների ՀԿ-ն հիմնադրվել է 1997 թվականին որպես Երևանի և հարակից թաղամասերի հաշմանդամությունունեցող երիտասարդների և նրանց ընտանիքների աջակցության և ցերեկայինխնամքի կենտրոն: Ներկայումս կենտրոնը սպասարկում է 18-40 տարեկան շուրջ 65 շահառուի:

Կենտրոնում շահառուներին տրամադրվում է բազմաթիվ ծառայություններ՝ սոցիալական, բժշկական օգնություն, մասնագիտական վերապատրաստում եւ այլն։ Կենտրոնն ունի փոքր, բայց նվիրված թիմ, որն անում է ամեն ինչ, որ իրենց շահառուները ինտեգրվեն հասարակությունում, ինչպես նաեւ հնարավորություն են ստեղծում ծնողների համար օրվա ընթացքում աշխատել՝ իմանալով, որ իրենց երեխաները ունեն զբաղվածություն, սնունդ և սոցիալական աջակցություն: Ցավոք, «Փրկություն»-ը շատ քիչ պետական ֆինանսավորում է ստանում և մշտապես պայքարում է տարբեր ֆինանսավորման միջոցներ գտնելու համար, որ կարողանա հոգալ մինիմալ ծախսերը։ Հատկապես դժվար է շահառուներին սուղ բյուջե ունենալով սնունդ մատուցելը։

Մենք Այո-ի թիմով ցանկանում ենք օգնել այս կարեւոր կենտրոնին հոգալով նրանց սննդի ծախսերը և կենտրոնը համալրելով սառնարանով և սառցարանով, որի միջոցով նրանք կկարողանան ամռան ընթացքում միրգ և բանջարեղեն սառեցնել: Այսպիսով նրանք կկարողանան ոչ միայն խնայել գումար, այլ նաեւ ձմռան ընթացքում մատուցել սննդարար կերակուրներ: