Զգայական սենյակ Սևանի համար

Սևանի մանկական վերականգնողական կենտրոնը կենսական դեր է խաղում Գեղարքունիքի մարզի առանձնահատուկ կարիքներ ունեցող երեխաների համար՝ սպասարկելով շահառուների ինչպես Սևան քաղաքից, այնպես էլ 11 հարակից գյուղերից և շրջակա բնակավայրերից։ Պետական վերահսկողության ներքո գործող կենտրոնում աշխատում է ինը հմուտ թերապևտ՝ վերականգնող բժշիկ մասնագետի ղեկավարությամբ։ Բոլոր թերապևտիկ ծառայություններն անվճար են՝ պետական աջակցության շնորհիվ։

Ամեն տարի կենտրոնը սպասարկում է հաշմանդամություն ունեցող շուրջ 200 երեխայի, որոնց մեծ մասը սոցիալապես անապահով ընտանիքներից են։ Սակայն կարիքը զգալիորեն գերազանցում է հնարավորությունները. մարզում ավելի քան 300 երեխա կենտրոնի ծառայությունների կարիքն ունի, և սպասողների ցուցակը շարունակում է երկարել` նոր դեպքերի հայտնաբերման հետ մեկտեղ։

Բուժվող երեխաների մեծ մասն ունեն աուտիզմ և շարժողական խանգարումներ։ Առավել արդյունավետ խնամք ապահովելու համար թերապևտները մասնակցում են շարունակական մասնագիտականզարգացման դասընթացների և ակտիվորեն կիրառում նորարարական մոտեցումներ։

Նման նորարարություններից մեկը, որը դեռևս չի ներդրվել, զգայական սենյակն է՝ վերափոխող, բազմազգայական միջավայր, որը նախատեսված է զգայարանները խթանելու և կարգավորելու համար։ Լույսի, ձայնի, գույնի, հպման, հոտի և շարժման` տեղին օգտագործման միջոցով զգայական սենյակն աջակցում է երեխաների հուզական կարգավորմանը, ճանաչողության զարգացմանը և շարժողական հմտություններին՝ նրանց առանձնահատուկ կարիքներին համապատասխան հանգիստ և գրավիչ միջավայրում։

Վերականգնողական կենտրոնն զգայական սենյակի համար տարածք է հատկացրել, նրանց ընդամենը մեր օգնությունն է պետք՝ այն կահավորելու համար անհրաժեշտ սարքավորումները գնելու գործում։